Hockey-ah Mizoram pahnihna

Indian Junior Hockey Championship (Womens) East Zone vawi khatna chu khelh zawh a ni a, hockey inelnaah hian Mizoram chuan pahnihna dinhmun an luah.

Khunti, Jharkhand-a inelna neihah hian team paruk - Mizoram, Jharkhand, Odisha, Assam, Bihar leh West Bengal te an tel. League round-ah an inkhel kual vek a, chumi hnuah a sang pahnihin final an kel.

Mizoram leh Jharkhand ten thiam ber nih an inchuh, hun pangngaiah 2-2 in an inhnehtawk - penalty shootout hmanga chak zawk zawn a nih hnuah Mizoram hi an vanduai a, silver medal an dawng ta a ni.

Mizoram aiawh hian Thenzawl Hockey Training Center-a zirlai naupang an feh chhuak a, coach Lalroṭhuami (Bte-i) leh manager R. Lalnunsanga ten an hruai a, player pali - Lalthantluangi, B. Lalrinpuii, Lalrinpuii leh

F. Lalbiaksiami te chuan player of the match award an dawng hman vek.