Cindy-te an tlawm

SAFF Under-17 Women's Championship-a an match hnuhnung berah Cindy Remruatpuii Colney telna India an tlawm a, Russia chu 2-0 in an ngam lo - Russia tan Vasilisa Avdienko leh Daria Kotlova ten goal an khung a, India-in a chhanletna tur an nei lo.

SAFF ram ni lo mah se, Russia hian sawm an nih angin inelna hi an hmachhawn ve a, Dhaka, Bangladesh-a khelh inelnaah hian an champion. India leh Russia bakah Bangladesh, Nepal leh Bhutan te chuan inelna hi an hmachhawn a, an inkhelh kual vek hnua a sang ber chu an champion a ni.

Armed veng tleirawl Cindy hi Russia lakah bul a ṭan a, mahse, goal a keng tel lo. India hian match hmasa berah 4-1 in Nepal an sawp a, Bangladesh lakah 1-0 in tlawm mah se Bhutan lakah 9-0 a chakin an insiamṭha a, Russia lakah tlawmin a tawp an khar zui - table-ah pathumna an ni.

Cindy hi Nepal, Bangladesh leh Bhutan lakah bench aṭanga luhtir a ni a, Russia lakah bul ṭanin, match li an khelhah a inlan kim vek a ni.