Chelsea training-naah Barry a tel lo

Bayern Munich nena sawizawm Chelsea assistant coach Anthony Barry chu club training ground-ah hmuh a ni lo. Club pahnih hian zângnadawmna chungchangah inremna la nei lo mah se Bavarians coach thar Thomas Tuchel-a'n amah puitu ṭhin Barry hi lakluh ngei a inbeisei.

Kar liam ta Zirtawpnia Bayern-in Tuchel an phochhuah khan German manager chuan, "Anthony Barry lakluh kan duh. Ani hi Chelsea-ah a awm mek," tiin a duhthu hi a sawi lang nghal. London club erawh an manager hlui chet danah an lawm lo.

Barry hi Tuchel, Frank Lampard leh Graham Potter te hnuaiah a thawk vek a, a hnathawhah fak a hlawh a, a bik takin set piece-ah an fak. Tun thlatir khan Barry hian Roberto Martinez hnuaiah Portugal coaching staff a pui bawk.

Chelsea hian April 1, Inrinni zan dar 10:00 hian Aston Villa an mikhual dawn a, Bayern Munich hian hemi hunah vek hian an chung chiaha awm Borussia Dortmund an hmachhawn thung ang.