Champhai an che ṭha

Mizoram Inter District Junior Boys Football C'ship 2023 chu vawiin hian Kolasib-ah khelh chhunzawm a ni dawn a, quarterfinal lut tur a chiang ang.

Champhai chuan match hmasa bera Lunglei 5-1 a an sawp hnuah nimin khan inelna thlengtu Kolasib 3-0 in an hneh a, group A-ah pakhatna an ni. Vawiin hian Lunglei leh Kolasib ten hmunruak pakhat an inchuh ang.

Group B-ah Saitual hneh lotu Siaha-in Hnahthial 5-0 in an sawp a, Saitual leh Hnahthial te hi vawiinah an inkhel dawn. Saitual dinhmun a ṭha.

Group C-ah Serchhip-in Lawngtlai hnehtu Khawzawl 2-1 in an hneh a, vawiinah Serchhip hian Lawngtlai an hmachhawn dawn. Serchhip hi group hmahruaitu tura ngaih an ni a, an puihna hmangin Khawzawl pawh an tlin a rinawm.

Group D-ah Mamit leh Aizawl chauh an awm a, quarterfinal an lut ve ve dawn. An inkhelh hmasak zawkah an inhnehtawk a, vawiinah pakhatna dinhmun hauhtu tur an zawng ang.