Vawiinah Mizoram State TT C'ship zo dawn

Mizoram State Table Tennis Championship vawi 37-na chu March 29, Nilaini aṭang khan Table Tennis Hall, Mission Vengah khelh ṭan a ni a, vawiinah khelh zawh a ni ang.

Inelnaah hian category 16 a awm a, mipa singles-ah player tel tam berin player 27 zet an tel. A hawnnaa khuallian Dr L.Thangmawia chuan, "Table Tennis hi game smart tak a ni a, Mizo zingah talent nei ṭha tak tak an awm a, kan awm zel bawk ang. Kan hruaituten theihtawp an chhuah a, player-te pawhin hmasawn tumin theihtawp chhuah zel ila, Zoram tan kan theihna pho chhuak zel ang u," tiin a sawi.

Inelnaah hian Aizawl pawn District pali Lunglei, Kolasib, Serchhip leh Hnahthial bakah Aizawl North leh South huam chhung aṭangin club 14 - Chanmari, Chhinga Veng, Daphalsa, Electric Veng, Mizoram Police, Mission Vengthlang, Model Veng, Ramhlun Vengthar, Ramhlun South, Synod School, Techmaze, Tuivamit, Vaivakawn leh Zote te an tel a ni.

Player tel dan

1 Hopes Boys 10

2 Hopes Girls 3

3 Cadet Boys 24

4 Cadet Girls 6

5 Sub-Junior Boys 24

6 Sub-Junior Girls 13

7 Junior Boys 17

8 Junior Girls 21

9 Youth Boys 15

10 Youth Girls 20

11 Men’s Singles 47

12 Women’s Singles 16

13 Men’s above 35 Singles 22

14 Women’s above 35 Singles 4

15 Men’s Team 11

16 Women’s Team 7