Adrian-a'n Super Cup khel dawn lo

31st March, 2023

Nimin khan Kerala Blasters chuan thuchhuah an siam a, an player pawimawh Adrian Luna-a'n mimal thil vangin Hero Super Cup a khelh theih loh tur thu an puang.

ISL neih zawh takah khan Adrian hian match 20 khelin goal li leh assist vawi ruk a nei a, Kerala hi league-ah pangana a nihpui.

Kerala Blasters hi ISL-a an hmelma Bengaluru FC bakah I League champion RoundGlass Punjab te nen group khatah an awm.

An group-ah hian qualifying khel tur aṭangin team khat an la tel dawn. Sreenidi Deccan, Rajasthan United emaw Neroca ten hmunruak pakhat hi an inchuh ang.