Player hlu ber Mbappe

Football chungchang zirchiang pawl Benchmark Football-in player-te a zirchiannaah Kylian Mbappe hlutna a sang ber a, France captain hlutna hi euro maktaduai 201.4 (£176m) a ni.

Zirchianna hnuhnung ber hi March thlaa neih a ni a, Mbappe hi Erling Haaland leh Jude Bellingham ten an dawt. Premier League-a khel English player zingah Phil Foden chu a hlu ber a, a hlutna hi euro maktaduai 152.2-in an chhut.

Tun hnaia che ṭha Bukayo Saka erawh a sang zual 10 zingah a tel pha lo a, 12-naah awmin a hlutna hi euro maktaduai 100.5-in an chhut. Manchester United forward Marcus Rashford hlutna chu euro maktaduai 92.9 a ni a, 15-naah a awm a ni.