Team ṭha tan Enrique a inhawng

Spanish coach langsar Luis Enrique-a'n team enkawl lai a nei lo a, Spain coach hlui hian team ṭha enkawl tura a inpeih reng thu a sawi.

Kum 52 mi Enrique chuan, "Premier League hi ka thlir nasa a, a chhan chu England-a hnathawh ka duh vang a ni. Chutihrualin theihna nei sang club-ah kal ka duh a, ka duh ang club hmuh erawh a harsa maithei," tiin a sawi.

Ram team enkawl chungchang sawi zuiin Enrique chuan, "Ram tam takin manager an zawng mek tih ka hria a, Brazil enkawl tur chuan ka sulhnu a la ṭha tawk loah ka ngai. Brazil aṭangin sawmna ka hmu lo a, ram aṭangin sawmna chu ka dawng a, club aṭangin ka hmu lo. Chutihrualin ram team ka enkawl dawn a nih chaun team ṭha ve tak an nih a ngai ang," tiin Brazil-in an sawm loh thu a sawi a, chutihrualin ram ṭha sawmna erawh a hnar loh tur thu a sawi thung.

Real Madrid leh Barcelona tana khel tawh Enrique hian Barcelona bakah Roma leh Celta Vigo te a enkawl tawh a, an team enkawl hnuhnun ber chu Spain niin December thlaa khelh FIFA World Cup quarterfinal-ah Morocco an hneh lo.