FA Cup semifinal khelh hun tichiang

Khawvela football inelna upa ber FA Cup-ah team pali Manchester City, Manchester United, Brighton & Hove Albion leh Sheffield United te chauh an dam tawh.

Football Association chuan semifinal khelh hun hi an tichiang. April 22, Inrinni zan dar 9:15-ah Manchester City leh Sheffield United an inkhel ang a, April 23, Pathianni zan dar 9:00-ah Brighton & Hove Albion leh Manchester Untied an inkhel ang.

FA Cup-ah hian semifinal chin hi Wembley Stadium-ah khelh a ni. Erik ten Hag-a hote inkhelh hun hi Inrinni aia Pathiannia an dah chhan chu Europa League an khelh vang a ni. April 20, Ningani zanah Sevilla hmachhawnin Spain-ah an zin dawn a, Pathiannia an khelh hian hahdamna hun an ngah phah dawn.

Chutihrualin April thlaa Man United fixtures hi a la hautak hle. Ten Hag-a hote hian thla khat chhungin match kua an khel dawn a, Dutch manager tan squad siksawi ṭhat a ṭul dawn a ni.