De Zerbi leh Potter te contract a inang

Roberto De Zerbi-a'n Brighton & Hove Albion a chet ṭhatpui avangin club lian zawk nena sawizawm a ni a, amaherawhchu a contract vangin season tawp thleng chu Seagulls-ah a hmang dawn.

Nikum September thla khan Graham Potter-a'n Brighton chhuahsanin Chelsea a zawm a, Blues hian Potter lakchhuah nan Seagulls hnenah pound maktaduai 21 zângnadawmna an pe. De Zerbi pawh hi a contract-ah Potter ang thoin chhuah theihna a awm a, amaherawhchu nipui lai chauhin lakchhuah theih a ni thung.

De Zerbi hian chhuah tumna a nei lo a, Brigton-ah a rilru zawng zawng a pe. Seagulls hi Premier League-ah pasarihnaah an awm mek a, an chung chiaha awm Liverpool nen point 42 ve ve hmuin match khatin an khel tlem zawk. Tunkar tawp hian Brighton hian anmahni ang bawka season thara Europe inelna tel tum Brentford an hmachhawn ang.