7v7 ah Dortmund tel dawn

Kumin nipui chawlh laiin Cary, North Carolina-ah player pasarih leh pasarih inkhelhna 7v7 world championship neih a ni dawn a, inelnaah hian champion-in dollar maktaduai khat an hlawh ang.

Inelna hi June 1-4, 2023 hian neih tur a ni a, team 32 tel tur zingah Borussia Dortmund an tel. Dortmund bakah hian Premier League club Wolverhampton Wanderers FC, MLS club Charlotte FC leh Team Dempsey te chu tel tur langsar deuh an ni.

Team Dempsey hi United States international hlui Dempsey team-te an ni. Dortmund hi an champion a nih chuan lawmman dollar maktaduai khat hi hlawkna nei lo pawl Street Soccer USA hnenah hlan an tum.