Concacaf Nations League semifinal tur a chiang

31st March, 2023

Concacaf Nations League-ah group stage khelh zawh a ni a, semifinal khel tur a chiang. Semifinal-ah group B pakhatna Panama leh group C pakhatna Canada te an inkhel ang a, group A pakhatna Mexico leh group D pakhatna United States ten an khel bawk ang.

Concacaf Nations League hi UEFA hnuaia kalpui Nations League nen a kalphung thui tak a inang a, tun ṭum hi season hnihna niin champion lai chu United States an ni.

Semifinal leh final hi June 15-18, 2023 chhung hian Allegiant Stadium, Las Vegas-ah khelh a ni dawn.