Indonesia-in FIFA WC U20 thleng dawn lo

Football thuneitu sang ber FIFA chuan Indonesia chu Under 20 World Cup thlengtu an nihna chu an hlihsak. FIFA-in thutlukna harsa bik an siam chhan hi kar liam ta Zirtawpnia neih tur Bali-a official draw ṭhulh vang a ni.

Football Association of Indonesia (PSSI) chuan, "FIFA-in World Cup thlen theihna min sutsak chhan hi Bali governor Wayan Koster-a'n Israel team a thlen duh loh vang a ni," tiin thuchhuah an siam.

Bali hi Indonesia chhunga ram bial khat a ni a, Indonesian hoin Palestine an thlawp avangin Israel hi inelna hmachhawn lo turin an duh. Chutihrualin inelna tel tura Israel an inpettling hmain Indonesia hian kum 2019 khan U20 World Cup thlen theihna an nei tawh thung.

Inelna hi May 20 aṭanga June 11, 2023 chhunga neih tur a ni a, FIFA-in inelna hun hi sawn a tum a loh avangin inelna thlengtu tur a ngaihtuah ran a ṭul dawn a ni.