Taekwondo inelna zo fel

Mizoram Taekwondo Assocaition (MATA) buatsaih - 17th Mizoram Open Taekwondo Championship chu nimin khan zawh fel a ni.

Inelna hi MATA Hall, Republic Vengthlangah neih niin, poomsae leh kyorugi hmangin inelna neih a ni a, category hrang hrang 10-ah ṭhenhran leh a ni bawk.

Poomsae sub-junior category aṭangin mipaah Joshua Lalthlangdika, Exodus TC chuan gold medal a la a; hmeichhiaah Arella Roluahpuii, Gidae TC chuan gold medal a la bawk a ni.

Kyorugi Best Fighter mipaah Samuel Lalnunmawia, Serchhip District in gold medal a la a; hmeichhiaah Mellina Malsawmzuali, Republic Vengthlang TC-in gold medal a la bawk.

Championship-ah hian Lunglei, Lawngtlai, Serchhip, Kolasib leh Mamit District aṭangin player ṭhahnem tak an tel a, Aizawl aṭangin club 10 an tel.

District Taekwondo club bikah Lungleiin gold medal pali an la a, an dawtah Lawngtlai (silver medal 1) leh Kolasib (bronze medal 2) an awm a ni.