IPL16-ah dan thar

Indian Premier League vawi 16-na chu Zirtawpni khan khelh ṭan a ni a, vawiin aṭangin chhunzawm a ni dawn. Cricket inelna ngaihven hlawhah hian dan thar a awm dawn a, chung zinga langsar chu wide leh no-ball thutlukna en let theih a ni dawn.

Player-in wide leh no-ball chungchanga umpire thutlukna an pawm lo a nih chuan Decision Review System (DRS) hmangin a en let theih tawh dawn. Chutihrualin captain-ten an review theih zat erawh vawi hnih a la ni reng a, wide leh no-ball en let turin an ti thei tawh thung ang.

Hei bakah hian player ball vuak chu an mansak a, a thi a nih chuan a bat leh turah duh an thlang thei ang. Rawn lut thar tur batter-in a bat nghal dawn a nih chuan batter 'out' tur chuan non-striker end lam a tlan thleng a ṭul dawn a ni.