Williamson tan IPL a tawp

New Zealand white-ball skipper Kane Williamson chu tun season Indian Premier League-ah an inlan thei tawh dawn lo. Zirtawpni zan khan champion lai Gujarat Titans-in Chennai Super Kings an hneh a, hemi ṭum hian Williamson hi a inhliam.

Super Kings batter Ruturaj Gaikwad ball vuakin a kang chunga boundary line a pel tur chu Williamson hian zuang chungin field chhung lamah a nam a, a nam per hi man lehnghal tum mah se a tlak sual avangin a khup dinglamah hliam a tuar.

Kumin October thla hian India-in ICC World Cup a thleng dawn a, Williamson-a hi khel lo thei dinhmunah a ding. New Zealand Cricket chuan an captain enkawl dan tur ruahmanna an siam fel thu an sawi.

Williamson hi a inlan theih dawn tawh loh avangin Gujarat director of cricket Vikram Solanki chuan a thlakna tur an lak vat tur thu a sawi a, inhliam dam thuai turin duhsakna a hlan bawk.

Zirtawpni zan tun season IPL match hmasa berah hian CSK-in an bat hmasa a, 178/7 runs an siam. Over 19.2-ah Gujarat-in 182/5 runs siamin an umpha a, mualneitu all rounder Rashid Khan (26/2, 10*) chu player of the match-a thlan a ni.