Juve chakna Moise Kean

Inrinni zan Serie A inkhelah Juventus chua Moise Kean-a goal khat hmangin Hellas Verona chu 1-0 in an hneh a, season thara European football khel turin beiseina an la nei ve zel.

Dan an bawhchhiat avangin Juve hi point an hmuhsa aṭangin 15 paihsak an ni a, a tan sang taka awm a harsa. Match 28 aṭangin point 44 an nei a, parukna AS Roma an phak lohna chu point thum a ni - Old Lady hi match khatin an khel tam thung.

Inkhel dangah Inter Milan chu an mikhual Fiorentina lakah 1-0 in an chak lo, goal awmchhun hi Giacomo Bonaventura-a'n minuts 53-naa a khung a ni a, goal dang a lut zui lo.