Vawiin aṭangin Hero Super Cup

2023 Hero Super Cup chu zanin aṭangin khelh ṭan a ni dawn a, I League club Rajasthan United leh Neroca te an inkhel dawn. Zanin inkhel tur hi inelna tak tak a la ni lo a, first qualifying round chauh a ni.

I League-a pakuana Rajasthan leh 10-na Neroca te inkhela chak zawk hi I League club pasarih awm tawhna second qualifying round khel turin an tling ang.

Inelna neih zawh takah khan Rajasthan hian Neroca hi ṭum hnih an hmachhawn a, 1-0 ve vein an hneh. Chutihrualin Majeri, Kerala-a inkhel turah erawh Rajasthan hian a hmaa an chakna hi an hmachhuan thei dawn lo a, Neroca aia an dinhmun ṭhatna tur a awm lo ang.

Super Cup group stage-ah hian ISL club 11 bakah I League champion RoundGlass Punjab an awm tawh. Tun ṭumah hian ISL leh I League club zawng zawng an tel lo a, I League aṭanga relegate an tel thei lo a, Mumbai Kenkre leh Sudeva Delhi tan hmun a awm lo.

Super Cup hi kum 2018 aṭang khan khelh ṭan a ni a, Bengaluru FC chuan final-ah East Bengal 4-1 a hnehin an champion. Kum 2019 khan FC Goa-in Chennayin FC 2-1 a hnehin an champion ve bawk.

Hemi hnu hian Covid-19 vangin inelna hi neih theih a ni lo a, tun ṭum hi Covid-19 hnua neih leh hmasak ber tur a ni ang.