Vawiin Inter Dist semifinal

Mizoram Inter District Junior Boys Football C'ship 2023 chu Kolasib-ah neih mek a ni a, vawiinah semifinal khelh a ni ang.

Inrinni khan quarter-final khelh a ni a, Lawngtlaiin Aizawl 4-0 in an sawp. Saitual pawhin inelna thlengtu Kolasib 5-0 in an sawp bawk. Siaha leh Mamit-in semifinal lut turin Champhai leh Khawzawl an hneh bawk.

Vawiin chawhma dar 11:00 hian Lawngtlai leh Siaha an inkhel ang a, Mizoram chhim derby tiin a sawi theih ang. Saitual pawhin inelna thlengtu meuh an sawp avangin nomawi an beisei thei ang a, amaherawhchu final thleng tur pawhin Mamit an hneh phawt a ṭul ang.

Inelna hi kum 17 hnuai lam inelna a ni a, January 1, 2007 leh December 31, 2009 inkar chhunga piangte chauh an tel thei a ni.