Lawngtlai leh Saitual ten final an lut

Mizoram Inter District Junior Boys Football C'ship 2023 semifinal chu nimin khan khelh a ni a, Lawngtlai leh Saitual ten final an lut. Nimin inkhelah hian Lawngtlaiin Siaha 4-1 in an sawp a, Saitual-in 4-0 in Mamit an sawp bawk.

Mizoram Chhim Derby-ah Lawngtlai an che ṭha a, first half-ah Benjamin Lalhruaichhuaha'n goal hmahruai a khung hnuah Rothangpuia, Lalfamkima leh Benjamin Hmingthansanga ten goal khat ṭheuh an khung. Siaha-in goal li an chhuah hnuah C. Beichhuahmi-a'n goal ropui a khung a, inkhel result erawh a danglam phah lo.

Semifinal hnuhnung zawkah Saitual-in minute lina lekah Isak Lalruatfela hmangin an khung nghal. Isak-a hian hattrick a siam bakah C. Lalnunkima'n goal khat a khung a, Mamit-in a chhanletna an nei lo.

Inelna hi Kolasib-ah neih a ni a, Mizoram Football Association hnuaia district 11 an tel vek. Final hi April 5, Nilaini tlai dar 2:00 hian Kolasib Sports Stadium-ah khelh a ni ang.