Kohli a che ṭha nghal

Indian Premier League-ah Virat Kohli telna Royal Challengers Bangalore chuan an match hmasa berah Mumbai Indians chu Pathiannni zan khan wicket riatin an hneh.

M. Chinnaswamy Stadium-ah Bangalore-in vawm hmasak an thlang a, Mumbai tan Tilak Varma-a'n thi loin 84 runs vaw chhuakin 171/7 runs an siam.

Target pangngai tak anga ngaih theih ni mah se Royal Challengers tan Virat Kohli-a'n thi loin ball 49 lekah 82 runs a siam a, Faf du Plessis-a'n 73 runs rawn belh bawkin over 16.2 lekah 172/2 runs siamin target an umpha.

Pathianni zan inkhel dangah Rajasthan Royals chuan Sunrisers Hyderabad chu 72 runs-in an hneh a, zaninah Delhi Capitals-in champion lai Gujarat Titans an hmachhawn ang.