Final-ah Sindhu a chak lo

Badminton inelna Spain Masters khelh zawh takah PV Sindhu chuan final lut mah se, nomawi inchuhna inkhelah Mariska Tunjung lakah 21-8, 21-8 in a vanduai zawkah a ṭang.

Tun hma lam an intawn tawhna thlir chuan Sindhu hi chak tura rinkai zawk a ni, vawi sarih an inkhelh tawhah a chak vek. Mahse, vawi riat an inkhelhnaah hian minute 29 chhung lekin a chak lo zawkah a ṭang.

Olympic medal vawi hnih la tawh Sindhu hian season a hmang ṭha lo, tournament a khelh hoah a thleng sang ngai lo. Tun ṭumah erawh champion chiah lo mah se final a thleng thei hi a tan chanchin lawmawm a ni tho.

Coach Park Tae Sang nen an inṭhen hnuah Sindhu hi Vidhi Chaudhary nen an thawk dun mek. Korean coach Sang-a hnuaiah khan Yokyo Olympic bronze medal bakah 2022 Commonwealth Games gold medal a vaw chhuak a ni.