Eriksen-a'n training a ṭan

Manchester United-in chanchin lawmawm an nei a, inhliam vanga hun rei tak inlan tawh lo Christian Eriksen-a'n first team training a zawm. Danish international Eriksen hi January thlaa FA Cup-a Reading an hneh ṭumin a inhliam.

Nizan khan Man United-in Brentford an mikhual a, Eriksen hi a la inlan thei dawn lo. Erik Ten Hag chuan, "Eriksen hi Brentford lakah chuan a la khel dawn lo a, first team training a zawm tawh. Hma a sawn zel dan kan thlir ang," tiin a sawi.

Nikum nipui bazarah Eriksen hian free transfer-in Brentford aṭangin Manchester United hi a zawm a, English club tan match 31 khel tawhin goal hnih a khungsak tawh a ni.