Switzerland-in hmeichhe Euro 2025 thleng dawn

Switzerland-in 2025 Women's European Championship an thleng dawn. Kum 2022 khan England-in an thleng a, an champion nghal bawk.

Tun ṭum inelna hi Poland leh France bakah Denmark, Sweden, Finland leh Norway ṭangkawpin thlen an tum a, UEFA chuan Switzerland hi a thlang.

Ukraine pawhin thlen an duh a, Russia-in an run leh tak si avangin thlen an dil ta lo. Kum 2025-a inelna thlengtu tur Switzerland hian inelna hnuhnung berah khan group stage an paltlang lo.

Inelna hi June-July 2025 chhunga khelh tur a ni a, khawpui pariat Basel, Bern, Geneva, Zurich, St Gallen, Sion, Lucerne leh Thun-ah te khelh a ni ang.

Kumin hian hmeichhe FIFA World Cup khelh a ni dawn a, 20 July – 20 August chhung hian Australia leh New Zealand ten an thleng ang. World Cup-ah hian champion lai chu United States an ni a, Europe ram pathum Netherlands, Sweden leh England ten semifinal an thleng.