Osasuna-in Copa del Rey final an lut

Copa del Rey-ah Osasuna chuan final lut turin Thawlehni zan khan Athletic Bilbao chu extra time-ah an hneh. Semifinal hi double leg-a khelh a ni a, first leg-ah Osasuna hi 1-0 in an chak tawh.

Second leg hi Bilbao khelmual San Mamés Barria-ah khelh a ni a, mualneitu Athletic Bilbao-in Inaki Williams hmangin minute 33-naah goal an khung.

Minute 90 chhungin goal dang a luh belh lo a, inkhel pahnih belhkhawmah 1-1 a nih chiah avangin extra time khelh a ni. Extra time-a minute 116-naah Pablo Ibanez chuan a career-a goal hmasa ber chu 18 yard aṭangin a volley goal a, Osasuna chakna goal a ni zui bawk.

Osasuna hian nomawi lian tham an la chawi lo a, 2004-05 Copa del Rey final-a Real Betis an hneh loh kha an la champion teuh ber a ni. Kuminah pawh Osasuna tan nomawi chawi la harsa dawn a, final-a an hmachhawn tur hi Barcelona emaw Real Madrid emaw a ni ang.

Semifinal hnuhnung zawk hi nizan khan khelh a ni a, first leg-ah Barcelona hian 1-0 in hnehna an chang a ni.