5 star Magpies

Newcastle United-in season thara Champions League khel turin theihna an nei tih an pholang a, Eddie Howe-a hote hian Manchester United an hneh hnuah West Ham United chu Nilaini zan khan 5-1 in an sawp.

London Stadium-a inkhelah Callum Wilson leh Joelinton ten goal hnih ve ve an khung a, Alexander Isak-a'n goal khat a khung bawk. Hammers tana Kurt Zouma khung chu inkhel laihawla inkhel tinungtu chauh a ni.

Newcastle United hian zanin dar 7:30 hian Brentford an hmachhawn dawn. Bees hian an match hnuhnung berah Manchester United chu 1-0 in an hneh lo.

Magpies legend Shay Given chuan, "UCL an tlin chuan duhthusam a thleng tiin a sawi theih ang. Tunah chuan a sang palia awm turin an dinhmun a ṭha a, Man United leh Tottenham aiin an goal difference a ṭha daih a ni," tiin a sawi a, manager Eddie Howe a fak bawk.