Zaninah Inter Branch TT Ṭhuai Hawn

Central YMA leh Mizoram Table Tennis Association (MTTA) buatsaih LBS Suzuki 4th Inter Branch YMA Table Tennis Tournament 2023 chu zanin dar 8:30 hian Central YMA Hall, Tuikhuahtlangah Ṭhuai Hawnna (Spin Off) neih a ni dawn. Zanin hian fixtures tichhuah nghal a ni ang a, April 11-14, 2023 chhung hian Hawla Indoor Stadium-ah khelh a ni ang.

Ṭhuai Hawnah (Spin Off) hian organising chairman R. Lalrinmawia'n inlawmna thu a sawi ang a, Rev Dr Lawmsanga'n hunserh a hmang dawn. CYMA president R. Lalngheta'n inelna hi a ṭhuai hawng ang a, fixtures tlangzarh a ni ang. Programme zawh hian branch tel tur tan technical briefing bakah zawhna leh chhanna hun neih a ni dawn a, inelnaa tel turten ngaih pawimawh a ṭha hle.

Inelnaah hian Branch 58 an tel a, category pali men's singles (212), women's singles (50), men's team (53) leh women's team (16) a awm dawn. Mipa inelnaah mi 212 hming pe awmin champion kalkawng pawh a thui khawp ang.