Mbappe-a'n PSG an sawisel

Kylian Mbappe chu a khelh mekna Paris Saint Germain lamin video an siam leh thehdarh danah a lawm lo a, a hmanna tur leh a darh dan tur sawilawk loa video an siamsak chu a duh zawng a ni lo.

Tun hnai khan PSG hian video an ti chhuak a, hetah hian Mbappe hi club leh fans chungchang sawi tir a ni, he video hi website lamah club ticket zawrhna lam nen thlunzawm a ni bawk.

Mbappe chuan, "2023-24 season ticket chungchang ka sawi a ni maiah ka ngai a, kha video-ah kha eng thil dang nge lang dawn tih hrilh ka ni lo. Hei chu club lamin an ti fuh tawk lo a, ka pawm zawng a ni ve lo.

"PSG hi club ropui tak a ni a, chhungkaw ropui tak kan ni bawk. Mahse, Kylian Saint-Germain a ni lo," a ti a, mimal zalenna leh dikna chanvo a ngaih pawimawh thu a sawi bawk.

Ligue 1 champion hian an player thusawi chhanna emaw, a sawifiahna emaw pawh an la sawi hran lo. Zanin dar 12:30 hian league cup khel turin Nice an lenchilh dawn, tun hnaia an result ṭha tawk lo chu siamṭhat an tum ang.