Al Nassr-ah Talisca a cham dawn

Anderson Talisca chuan Al Nassr-ah kum 2026 thleng a contract neih lai chu a pawtsei. Brazilian forward Talisca hi Cristiano Ronaldo nen an inkar boruak a ṭha a, Turkish club aṭanga sawmna a nei chunga Saudi club-a a cham chhunzawm hi a mak lo.

Kum 29 mi Taslica hian tun season Saudi Pro League-ah goal 16 a khung tawh a, Manchester United striker hlui Odion Ighalo nen goal khung tam ber an ni mek.

Al Nassr hian April 9, Pathianni hian Al Feiha an tlawh dawn a, April 18, Thawhlehni zanah an elpui Al-Hilal an tlawh leh ang.