India squad-ah Remsiami

Hockey India chuan Australia hmachhawn tur player 33 a ko a, thlan bik zingah hian Mizo nula Lalremsiami Hmar a tel.

Sports Authority of India, Bengaluru-ah India tana koh player hrang hrang hian training an nei dawn a, nimin khan in report kim tura tih an ni. Coach Janneke Schopman kaihhruaina hnuaiah May 13 thleng inbuatsaihna hun hi an nei dawn.

Australia ramah hian match pangngai an khelh bakah training an nei dawn bawk a, hei hi China rama neih tur Asian Games inbuatsaihna a ni nghal ang.