Playoff khel tur Nets

Brooklyn Nets chuan Orlando Magic chu 101-84 a hnehin NBA playoff khel turin an tling. Nets hi an chak bakah inkhel danga Miami Heat an chetsual avangin parukna dinhmun an luah chiang ta a ni.

Nets hian season bul an ṭan fuh lo a, an player pawimawh Kyrie Irving chu hrem vangin rei tak an chhawr thei lo, a hnuah Irving leh Kevin Durant te chuan February thla khan club dang an pansan bawk.

Hun harsa tawk mah se Nets hi tha thlah loin an kal zel a, an tan chuan parukna nih phak hi thil ṭha a ni. Playoff-ah chuan pathumna Philadelphia 76ers nen an inhmachhawn ang.

Nets guard Spencer Dinwiddie chuan, "Mimal thil tih a ni lo, inrintawkna leh thawhhona ṭha vanga hetiang dinhmun thleng hi kan ni. Mahni chauh inngaihtuah loin midang kan ngaihtuah a, chu chuan rah ṭha a chhuah," a ti.