Inter Branch TT khelh ṭan a ni dawn

Vawiin chawhma dar 10:00 aṭangin Central YMA leh Mizoram Table Tennis Association (MTTA) buatsaih LBS Suzuki 4th Inter Branch YMA Table Tennis Tournament 2023 khelh ṭan a ni dawn. Inelna hi April 8, Inrinni zan khan Central YMA president R. Lalngheta'n inelna ṭhuai hawnna hi a nei tawh a, vawiin aṭangin TT inelna khawmpui lian chu ṭan a ni ang.

Hawla Indoor Stadium, Republic Vengthlangah inelna hi neih a ni dawn a, TT table paruk dah a ni. Mipa team inelna aṭangin ṭan a ni dawn a, hmeichhe team inelna pawh khelh a ni nghal dawn. Ruahman danin ni khatna ringawtah hian match 53 a awm dawn a, LPS-ah live-in pek chhuah a ni ang.

Mizoram pum huap TT inelna hi ni li awh tur a ni a, April 11-14, 2023 chhungin khelh zawh vek a ni dawn. Mizoram chhunga TT player ṭha chu inlan vek tura ngaih an ni. Inelnaah hian Branch 58 an tel a, category pali men's singles (212), women's singles (50), men's team (53) leh women's team (16) a awm ang.

CYMA chuan TT inelna zawh hian Inter Branch YMA football tournament a buatsaih lehnghal dawn a, kumin sports thupui atan hian 'Ruihhlo do la, i ram chhan rawh' tih chu thlan a ni.Inter Branch TT khelh ṭan a ni dawn