Bencic hnehin Jabeur a champion

Pathianni zana khelh zawh tak Charleston Open-ah Ons Jabeur a champion. World number 5 hian Belinda Bencic chu 7-6 (8-6), 6-4 a hnehin nomawi hi a hlawh chhuak a ni.

Tunisian nula Jabeur hian season hmasa khan Wimbledon leh US Open final a lut, mahse nomawi inchuhna inkhelah a chak lo ve ve. Tun season chu major title lak ngei a tum ruh tawh khawp ang.

Tennis a khelh hun chhungin WTA title pali a la tawh a, chung zinga pahnih chu clay court tournament-ah a ni. Hliam vangin season bul ṭan fuh tawk lo mah se tunah chuan a dinhmun a siam ṭha leh tawh.

Kum 28 mi Jabeur chuan, "Ka duhthusam chuan ka la khel lo, mahse a chang chuan vanneihna hi ka lamah a ṭang ve ṭhin," a ti a, hun pawimawh laia point a hmu hlauh ṭhin chu a chak theih chhan a ni tih a sawi.