Marseille an chak zo lo

Pathianni zan French Ligue 1 inkhelah Marseille chu Lorient nen 0-0 in an inhnehtawk, tun hnaiah Marseille hi khualmualah an chak thei hle a, a zawnin vawi riat an chak - mahse club record an siam theihna turah an chak zo lo.

Ligue 1 table-ah pathumna dinhmun an luah a, pahnihna Lens aiin point hnihin an hniam zawk - pahnihna tan playoff khelh ngai loin season thar Champions League khelh nghal theih tur a ni.

Inkhel dangah AS Monaco chuan goal hnih an khung hmasak an chhawr ṭangkai thei lo, 2-0 a hma an hruai hnuah goal hnih chhuahin Nantes nen 2-2 in an inhnehtawk ve bawk.