Inter Branch TT inelna an ṭan

Nimin khan Central YMA leh Mizoram Table Tennis Association (MTTA) buatsaih LBS Suzuki 4th Inter Branch YMA Table Tennis Tournament 2023 chu Hawla Indoor Stadium-ah khelh ṭan a ni a, ni khatnaah hian team inelna neih a ni.

Mizoram pum huap TT inelna hi ni li awh tur a ni a, April 14, Zirtawpniah final khelh a ni ang. Mizoram chhunga TT player ṭha chu inlan vek tura ngaih an ni. Inelnaah hian Branch 58 an tel a, category pali - men's singles (212), women's singles (50), men's team (53) leh women's team (16) a awm.

CYMA chuan TT inelna zawh hian MFA nen ṭangkawpin Inter Branch YMA Football Tournament an buatsaih lehnghal dawn a, kumin sports thupui atan hian 'Ruihhlo do la, i ram chhan rawh' tih chu thlan a ni.