Pooran-a'n ball 15 lekah half century a siam

Indian Premier League-ah Thawhṭanni zan khan inkhel hmuhnawm bik chhawp chhuah a ni a, M. Chinnaswamy Stadium-ah Royal Challengers Banglaore-in 212 runs zet siam mah se Luknow Super Giants-in ball tawp berah target 213 an tlin a, wicket khat chiah dah bangin hnehna an chang.

Bangalore tan opener Virat Kohli leh Faf du Plesis an che ṭha a, Kohli hian ball 44-ah 61 runs a siam. Du Plesis phei chuan ball 46-ah 79 runs a siam a, a tawp thlengin a dam. Glenn Maxwell pawhin ball 29 lekah 59 runs a siam a, Bangalore-in wicket hnih chiah hlohin 212 runs an siam.

Super Giants hun a thleng a, top order an che ṭha lo. Kyle Mayers leh Krunal Pandya ten run khat pawh an siam lo a, Bangalore hi chak turah inngai hman mah se middle order-a awm Marcus Stonis leh Nicholas Pooran te an che ropui.

Stonis hian ball 30-ah 65 runs a siam a, Pooran-a'n ball 15 lekah half century siam tawhin ball 19-ah 62 runs a siam. Super Giants tailender lam che ṭha lo mah se run tlem te te a siam a, over 20-ah 213 runs siamin hnehna an chang hram.

Super Giants captain KL Rahul chuan, "M. Chinnaswamy Stadium, Bangalore hi ka naupan lai aṭanga ka khelhna a ni a, he ground hi ka hrechiang. Hetiang ang target hi umpha thei hi an awm ka ring lo, kan khel ṭha takzet," tiin a sawi.