Hammers-in nomawi an la beisei

UEFA Europa Conference League-ah Premier League club West Ham United-in beisei tur an la nei a, zanin dar 10:15 hian David Moyes-a hoten Gent an tlawh dawn.

Hammers hian Conference League-ah result ṭha tak an nei a, playoff chhiar telin tun season-ah match 10 khel tawhin an la chak vek. London club hian kum 1964 khan European Cup Winners' Cup-ah nomawi an chawi tawh a, hemi ṭum hian first round-ah Belgian club La Gantoise an hneh.

West Ham hian tun season Conference League quarterfinal-ah Belgian club Gent an hmachhawn leh dawn a, chak tura rinkai zawk an ni ang. Hammers forward Jarrod Bowen chuan, "Season ṭantirh aṭanga tun thlengin nomawi chawi kan tum. A awlsam dawn lo tih kan hria a, mahse tunah chuan quarterfinal kan thleng tawh a, nomawi hi a hla tawh lo," tiin a sawi.