Zaninah TT Khawmpui Lian a ṭiak dawn

Central YMA leh Mizoram Table Tennis Association (MTTA) buatsaih LBS Suzuki 4th Inter Branch YMA Table Tennis Tournament 2023 chu zanin dar 7:00 hian Hawla Indoor Stadium, Republic Vengthlangah a hmawr bawkna neih a ni dawn.

Mipa leh Hmeichhe singles final bakah mipa leh hmeichhe team final khelh a ni ang. LPS HD Channel 13 leh CYMA YouTube Channel-ah TT final hi a en theih ang.

Nizan khan mipa leh hmeichhe team semifinal hi khelh a ni a, result kan hre hman lo. Vawiin chhun lamah mipa leh hmeichhe singles final khel tur hi zawn a la ni dawn.

TT lawmmanah hian Rs 1,12,000 sem ral a ni dawn a, inelnaah hian Branch 58 an tel a, a tel zawng zawng hnenah dekchi pek vek an ni. Category pali - mipa singles (212), hmeichhe singles (50), mipa team (53) leh hmeichhe team (16) ah mipa singles-ah tel an tam ber a, TT player 212 zet an tel a ni.