May 18 aṭangin CYMA Football

Central YMA leh Mizoram Football Association te ṭang dun buatsaih LBS Suzuki Inter Branch YMA Football Tournament 2023 chu thla thar May 28 aṭangin khelh ṭan a ni dawn.

CYMA Football hi inelna ngaihhlut hlawh ber zinga mi a ni a, kum 2019 hnuah neih a nih tawh loh avangin tun ṭum hi a hlu lehzual ang. Champion hnuhnung ber chu Chanmari an ni a, Armed Veng hnehin an champion.

Armed Veng hi CYMA Football-a record nei ṭha ber an ni a, vawi 10 final lut tawhin vawi nga an champion. Inelna hi kum 1985 khan neih ṭan a ni a, Armed Veng hi champion hmasa ber an ni.

Inelna hnuhnung berah khan team 110 an tel thei a, kuminah pawh team 100 chuang tel tura ngaih a ni. Entry Fee hi Rs 1,000 a ni a, Central YMA Office-ah May 12, Zirtawpni thleng a pek theih ang.