Barcelona Open aṭangin Nadal a inhnukdawk

ATP Tour khel turin Rafael Nadal a la inpeih lo a, Barcelona Open aṭangin a inhnukdawk. Kum 36 mi Nadal hi khel bawr hliam vangin harsatna a tawk a, tunkara khelh Monte Carlo Masters-ah pawh a inlan thei lo.

Grand Slam vawi 22 la tawhtu Nadal hi May thlaa neih tur French Open atan a dinhmun a la chiang lo a, Roland Garros-ah hian champion lai a ni. Nadal hian January thlaa neih Australian Open-a Mackenzie McDonald a hneh loh hnuin inelna a la hmachhawn leh lo.

Barcelona Open-ah hian Nadal hi vawi 12 a champion tawh a, inelna hi Thawhṭanni aṭanga ṭan tur a ni.