Champion lai Gujarat Titans an tlo

Indian Premier League-ah champion lai Gujarat Titans-in Ningani zan khan Punjab Kings wicket rukin an hneh. Gujarat hi ṭhumvawrah an vannei a, Punjab Kings hian 153/8 siamin Gujarat hian ball khat chauh dah bangin target an um pha.

Punjab opener Prabshimran Singh (0) leh captain Shikhar Dhawan (8) te che ṭha lo mah se middle order te zarah 153/8 runs an siam hram. An inkhelhna hmun Punjab Cricket Association Stadium hi batter chet ṭhatna hmun a nih avangin an target chhawp hi a tam tawk lo.

Gujarat tan opener Wriddhiman Saha (30) leh Shubman Gill (67) te an che ṭha thung a, amaherawhchu over tawp lamah Punjab bowler-te an chet ṭhat avangin nuam sain Titans hi an chak bik lo.

Over tawp berah Gujarat tan run sarih siam a ngai a, ball hmasa paliah wicket an hloh bakah run thum chauh an siam. Ball hnih la awm tihin four runs vuak a ngai a, Rahul Tewatia-a'n Sam Curran-a ball vawm chu boundary pawnah a vaw chhuak. Gujarat-in hnehna an chang hram.