India U17 squad-ah Cindy

Women's U1-7 AFC Asian Cup Qualifier Round 1 khel tur player 23 zingah Mizo tleirawl Cindy Remruatpuii Colney a tel. Inelna hi Kyrgyz Republic-ah April 24 aṭangin an khel ṭan ang.

India hi Group F-ah Kyrgyz Republic leh Myanmar te nen an awm ho a, April 26 hian an match hmasa berah inelna thlengtu Kyrgyz Republic an hmachhawn dawn. Cindy telna team hian Myanmar hi April 28, Zirtawpniah an hmachhawn ang.

Armed Veng tleirawl Cindy hi Mizoram Police coach Lalbiaksanga Colney fanu a ni. BSa chuan, "Ka dream ber a hlawhtling. Kei pawh 1997 Guwahati ka khelh lai khan Assam under 17 hmingin kan kal a, final-ah Manipur kan hneh ta lo. Assam aṭangin India camp-a awm turin mi panga min thlang a, an FA lamin kei Mizo pakhat chiah kha letter min pe tlai lui a, midang liam vek tawh hnuah ka dawng a, ka tlai phah," tiin Vanglaini a hrilh a, a fanu hlawhtlinna avanga a lawm thu a sawi.