MCL 2023 RVL an tho chhuak leh nghal

Tualchhung criket inelna ngaihhlut - Mapuia Memorial Mizoram Cricket League chu nimin khan khelh chhunzawm a ni a, an match hmasa bera chesual zauh Ramhlun Venglai chu nimin khan an tho chhuak leh nghal - Kulilawm lakah wicket liin hnehna an chang.

Suaka Cricket Ground, Sinhmuia inkhelah ṭhum vawra vannei zawk Kulikawn lamin vuak hmasak an thlang a, over 20 chhunga run 108 siamin wicket sarih an hloh - target sang tak an siam thei lo.

Ramhlun Venglai vuak hun a thleng, match hmasa zawkah Gorkha laka an chetsual avangin an fimkhur. Mahse, hun pawimawhah Joseph Lalthankhuma a rawn ding chhuak a, ball 29 aṭanga run 39 vaw chhuakin RVL a chakpui.

Nimin inkhel pakhat zawkah Chanmarians chuan run 12-in Zarkawt Lords an ngam ve bawk. Vawiin hian a hmun ngaiah inkhel pahnih a awm chhunzawm leh nghal ang.