Neeskens-a'n MFA Golden Jubilee Logo a tlangzarh

Mizoram Football Association-in kum 50 a tlin lawmna kal zelah, Netherlands legend Johan Neeskens chuan nimin khan Lammualah Golden Jubilee logo tlangzarhna a nei.

Ajax leh Barcelona midfielder hlui Neeskens chuan, "MFA-in kum 50 a tling thei hi ka lawmpui em em a, in zavaiin duhsakna ka hlan che u a ni," a ti a, kum 50 lo awm leh tur atan duhsakna a hlan bawk.

MFA ruahman dan chuan MFA Golden Jubilee lawmna pui ber chu May 25 zanah Vanapa Hall-ah neih a ni dâwn a, he hun hmang tur hian Mizoram aiawha khel tawh zawng zawng, India aiawha khel tawh zawng zawng leh MFA hruaitu hluite sàwm an ni ang.

MFA hi 1973-ah din niin, kumin hi a kum 50-na a ni a, kum tluanin Golden Jubilee lawmna hi kalpui tura ruahmanna siam a ni.