Vawiin aṭangin silai inkah siak

Aizawl District Rifle Association (ADRA) buatsaih, ni hnih awh tur Zakamlova Open Field Target Shooting Competition chu vawiin hian 3rd Bn MAP Parade Ground, Mualpuiah ṭan a ni dawn. Inelna hi category palia buatsaih niin a duh apiang tan tel theih a ni.

Inelna thupui atan 'Nungcha aiah Target' tih thlan an ni a, inkaihhruaina dan siam hnuaiah mimal a duh apiangte an kal thei dawn a, mahniin silai leh a mu intum tur a ni thung ang - a hranin silai inhmanṭawm tur a awm dawn lo.

May 4-6 chhung hian ADRA chuan Aizawl District shooting championship a buatsaih leh nghal dawn bawk. Hei erawh a duh apiang tan a ni dawn lo - ADRA hnuaia inziak lut club chauhin an kap thei dawn a ni.

Shooter kap/ti ṭhate chuan state championship neih hunah district ai an awh ang, chumi hnuah Mizoram aiawh tur an thleng leh dawn a ni.