Oriflame MFA Cup; Lawngtlai leh Mamit an chak

Oriflame MFA Cup 2023 khelh laiah, nimin khan Lawngtlai Vengpui chuan FC Serchhip Kawnpui 2-0 in an hneh a, hnehna an chan theih nan Raymond Lalhruaitluanga chuan goal hnih a khung.

Serchhip team hian an match hmasaah goal nga khung thei mah se Lawngtlai lakah an khung thei lo. Melveng FC, Saitual laka chesual zeuh tawh Lawngtlai erawh tho chhuak nghalin semifinal beiseina an nei leh nghal.

Nimin Khawzawla inkhel dangah Field Veng FC, Mamit chuan Keifang Melveng FC chu 3-2 in an hneh ve bawk, team hrang hrang an inhneh kual hlawm avangin semifinal khel tur ber pawh hriatthiam a harsa - an hmabak a pawimawh em em vek a ni.

Vawiin hian match hnih an khelh tawh china beisei la phak lo Project Veng FC leh Hnahthial district team Bazar FC an inkhel dawn a, chawhnu lamah a thlengtu Khawzawl leh Aizawl district aiawhtu Sihphir Venghlun an inhmachhawn ve bawk ang.