Luangmual leh Gorkha an chak

Cricket Association of Mizoram hnuaia inelna lian - Mapuia Memorial Mizoram Cricket League (MCL) chu nimin khan khelh chhunzawm a ni a, Luangmual leh Gorkha ten an khingpui ve ve an hneh.

Suaka Cricket Ground, Sihhmuia inkhelah Luangmual chuan Jehu Anderson-a run 50 hmangin Zarkawt Lords chu wicket rukin an hneh. Luangmual tan run 22 siamtu Lalhmangaiha leh G.Lalbiakvela (18) te an khel ṭha bawk.

Inkhel pakhat zawkah Gorkha chuan run 31-in Kulikawn an hneh. Match thum an khelh tawh chinah Gorkha hi an la chak vek a, team paruk inel zingah tlawm loa la kaltluang thei awmchhun an ni.

Vawiin hian a hmun ngaiah inkhel pahnih a awm leh ang.