Project Veng lakah Bazar Veng an chak

Nimin khan Oriflame MFA Cup 2023-ah inkhel hmuhnawm kan hmu, boruak sang tak hnuaia inkhelah Hnahthial district aiawhtu Bazar Veng FC chuan Project Veng FC chu 3-2 in an hneh.

Khawzawla inelna neih laiah Project Veng hian Lalremsanga leh Andy Lalrinpuia te hmangin goal an khung hmasa, mahse goal hnih an phurh hnuah Hnahthial team hian C. Vanlalhmangaihzuala goal hnih leh F. Remruatfela goal khat hmangin an chhang let.

Hun tawp dawnah boruak a sang - Project Veng player pahnih Andrew Lalmawizuala leh RS Lalnghakliana te chu hnawhchhuah an ni a, goal dang lut zui tawh loin inkhel a tawp. Mizoram Premier League khel tur Project Veng hian beisei an la phak thei rih lo.

Nimin inkhel dangah a thlengtu Khawzawl aiawh Vengthar GSA leh Aizawl district aiawha kal Sihphir Venghlun te chu goal khung loin an inhnehtawk.

Vawiin hian inkhel pahnih a awm leh dawn, team hmuhnawm tak TMFC, Melbuk leh Vengthar GSA te an inhmachhawn chhunzawm dawn. Bazar Veng, Hnahthial leh Sihphir te an intum bawk ang.

Team pakua inlante hi group pahnihah ṭhen hran an ni a, an inkhelh kual vek hnuah a sang pahnih zelin semifinal an khel ang. Ruahman dan chuan April 29, Inrinniah a hmawr bawkna neih tur a ni.