Player-ten contract an ziah ka beisei - Lampard

Chelsea manager Frank Lampard chuan June thla tawp ruala contract zo mai tur a player-te chuan contract an ziah a rin thu a sawi, hripui coronavirus vangin Premier League chu a hun pangngaiah an khel zo thei dawn lo.

Blues winger Willian leh striker Olivier Giroud te contract neih lai chu June thla tawp rualin a tawp dawn, tuna club nen inremna an neih sa ang chuan league hi an khel zo ve hman dawn lo tihna a ni.

Lampard chuan, "Player ṭha tak tak chu dinhmun khirhkhan taka ding an awm, hri leng vanga hun harsa hi an hrethiam turah ka ngai. Inremna kan siam theih ka ring a, kan tum ram thleng turin min pui ngei ang," tiin a sawi.

English manager hian Chelsea a enkawl hmasak ber season-ah champion an beisei tawh rih lo a, a sang pali zinga tel tur erawhin an dinhmun a la ṭha. League match 29 an khelh tawh chinah point 48 hmuin palina an ni mek.