Rawlthar thiam ber Khatla South

Mizoram Inter Veng Under 21 Basketball Tournament-ah Khatla South an champion. Inelna hi Hawla Indoor Stadium-ah khelh niin April 22, Inrinni khan final khelh a ni a, coach Lalawmpuia Varte enkawl Khatla South hian Tuikual South chu 84-81 a hnehin an champion. MVP atan Khatla South point guard Johan Lalthianghlima an thlang.

Inelna hi Mizorama Basektball Referee (MRIV) buatsaih a ni a, MBBA leh Aizawl City Local Council Association (ACLCA) hriatpui niin mipui lawm a hlawh hle. Final-ah pawh entu an ṭhahnem a, inkhel boruak a sang tel bawk.

Khatla South hian tun hnaiah nasa takin hma an sawn a, an veng club Khatla South Barons-in MSL8-ah khan Mizo hlangin an khel. Central YMA basketball inelna hnuhnung ber 2018-ah khan an champion a, kum 2015 khan Rum Pum Inter Veng inelnaah an champion tawh bawk.